🧭 بوصلة | برنامج فردي لاكتشاف الذات
التفاصيل
🧭 بوصلة | برنامج فردي بالعلاج بالفن لاكتشاف الذات
إنتِ عارفة إن في حاجة مش ماشية... بس مش عارفة المشكلة فين؟
يمكن بتكرري نفس الاختيارات، بتدخلي نفس أنواع العلاقات، بتحتاري في قراراتك، أو بتحاولي تواكبي توقعات الناس منك من غير ما تكوني متأكدة أصلًا إن دي الحياة اللي إنتِ عايزاها.
عشان كده عملنا بوصلة.
بوصلة هو برنامج فردي قائم على العلاج بالفن، هدفه يساعدك تقفي مع نفسك بصدق، وتفهمي مين إنتِ بعيدًا عن الأدوار اللي اتعودتي تلعبيها، وتكتشفي القيم والاحتياجات والمشاكل والأنماط اللي بتأثر على اختياراتك.
خلال البرنامج هنشتغل مع بعض على:
- اكتشاف الذات وفهم هويتك بشكل أعمق.
- تحديد قيمك الحقيقية وما هو مهم بالنسبة لكِ فعلًا.
- فهم احتياجاتك العاطفية والنفسية.
- اكتشاف الأنماط المتكررة في حياتك وعلاقاتك.
- التعرف على المشاكل أو الجروح اللي ممكن تكون بتأثر على قراراتك.
- التفرقة بين احتياجاتك الحقيقية وبين توقعات الناس منك.
- بناء توقعات أكثر واقعية لنفسك ولعلاقاتك.
- فهم الحدود والاختيارات اللي تناسبك.
- تحويل الوعي اللي وصلنا له إلى خطوات عملية تقدري تكملي عليها.
البرنامج عبارة عن إيه؟
6 جلسات فردية بالعلاج بالفن، بإجمالي 6 ساعات.
كل جلسة لها هدف واضح وتمارين مخصصة تساعدك مش بس تتكلمي عن نفسك، لكن تشوفي وتفهمي أجزاء منها بطريقة مختلفة.
والرحلة لا تنتهي مع آخر جلسة.
بعد انتهاء الجلسات، بتحصلي على متابعة أسبوعية لمدة شهر لمساعدتك في تطبيق اللي اشتغلنا عليه في حياتك اليومية، ومراجعة اللي بيحصل معاكِ، والتعامل مع التحديات اللي تظهر أثناء التنفيذ.
البرنامج مناسب لكِ لو:
- حاسة إنك مش فاهمة نفسك كفاية.
- محتارة في اتجاه حياتك أو قراراتك.
- بتكرري أنماط معينة ومش عارفة ليه.
- علاقاتك بتاخد منك طاقة أكتر مما بتديك.
- عايزة تعرفي قيمك واحتياجاتك بوضوح.
- بتحاولي تبني حياة تشبهك فعلًا، مش مجرد حياة ترضي الآخرين.
- عايزة تشتغلي على نفسك بشكل منظم، مش مجرد جلسات منفصلة من غير اتجاه واضح.
بوصلة مش هتقولك تعيشي إزاي.
هي هتساعدك تعرفي الأول:
إنتِ مين؟إيه المهم بالنسبة لكِ؟إيه اللي عطلك لحد دلوقتي؟وإيه الحياة اللي فعلًا عايزة تبنيها؟
لأن أصعب حاجة مش إنك تختاري الطريق...
أصعب حاجة إنك تمشي في طريق مش طريقك، وإنتِ مش عارفة. 🧭🎨🤍
تفاصيل البرنامج
6 جلسات فردية بالعلاج بالفن+ متابعة أسبوعية لمدة شهرإجمالي الجلسات: 6 ساعات
الأماكن محدودة لضمان المتابعة الفردية.
